Junulara E-Semajno 2012

28.12.2012 - 04.01.2013 Naumburg (Saale), Germanio



Fonduso "JES al novuloj"

Ĉu vi havas maltro da mono por partopreni la ĉijaran JES-on en Naumburg? La fonduso "JES al novuloj" eble povas helpi. Temas pri sendependa fonduso ene de la Fondaĵo Mondo. La fonduso ne estas parto de la JES organizo, sed ebligas al kelkaj unuafojaj partoprenantoj senkostan aŭ malplikostan partoprenon en la JES.

Nepraj kondiĉoj por kandidatiĝi:

  • Vi neniam ankoraŭ partoprenis en plurtaga Esperanto-aranĝo kun pli ol 100 homoj.
  • Vi aĝas sub 30 jarojn
  • Vi ne memstare povas financi JES partoprenon pro manko de enspezoj ekz. kiel studento, lernanto, mallaborulo
  • Vi pretas helpi al la organiza teamo dum la aranĝo aŭ verki artikolojn pri la JES


Se vi akceptiĝas, la fonduso "JES al novuloj" pagos vian programkotizon, manĝokostojn kaj loĝadon en amasloĝejo (vi mem pagu la diferencon se vi volas loĝi pli lukse). Se vi venas de ekster Eŭropo kaj havas kostopruvilon, la fonduso ankaŭ kontribuos 100 EUR al viaj vojaĝokostoj (kiu certe ne sufiĉos sed helpos).

Ĉu vi estas bona kandidato por la fonduso? Tiam skribu al jes.al.novuloj@gmail.com kaj inkluzivu tabelare la jenajn informojn:

  • Personaj datumoj: plena nomo, naskiĝdato, nacieco, plena poŝtadreso (strato, numero, urbo), telefonnumero, retpoŝto. Se vi havas, ankaŭ aldonu Skype-nomon, Facebook-konton kaj adreson de via blogo / privata retejo.
  • Viaj esperantaj spertoj: kial kaj kiam vi lernis Esperanton, kiujn renkontiĝojn vi partoprenis, kion vi faras / volas fari per Esperanto.
  • Kiel vi pretas kontribui al la evento? Ekz. prelego pri via hejmlando aŭ pri hobio
  • Kial la fonduso pagu por vi? Se vi estas studento aŭ senlaborulo, skanu kaj sendu taŭgan pruvilon.

Bonvolu certigi ke viaj sendataj informoj kompletas, alikaze ni ne povas trakti ilin.


Limdato por kandidatiĝi: 10a de novembro 2012.